AMETSen etengabeko hobekuntzarekiko konpromiso sendoa dugu, eta horrek azken berrikuntza teknologikoak dituzten ekipamendu eta makineria etengabe txertatzera bultzatzen gaitu. Horri esker, gure instalazioak sektoreko aurrerapen teknologikoen abangoardian mantentzen ditugu.

Oraingo honetan, Soraluce markako gure bigarren mekanizazio-zentroa gehitu dugu. TA25 ereduko fresatzeko makina finko bat da., eta horri esker gure bezeroei erantzun azkarragoa eta eraginkorragoa eskaintzen jarraitzea espero dugu.

Ordezkatzen duen makinarekin alderatuta, ekarpen berri honek ekoizpen-gaitasunean gorakada nabarmena dakar: 2.000 x 900 x 1.000 mm-ko lan-neurrietatik 2.500 x 1.500 x 1.200 mm-ko gaitasun berrira igarotzen gara. Horri esker, pieza handiagoen mekanizazioa eta eskakizun handiagoko lanak egin ahal izango ditugu.

Inbertsio honekin, etengabeko hobekuntzaren, berrikuntza teknologikoaren eta gure bezero diren enpresei zerbitzu hobea eskaintzearen aldeko apustua egiten jarraitzen dugu.

Hobetzen jarraitzen dugu!

SPRIk diruz lagundutako inbertsioa.

Tecnaliak AMETSekin elkarlanean garatutako proiektuari esker, antzeko ezaugarri geometrikoak dituzten planoak azkar eta zehaztasunez identifika daitezke. Horren bidez, enpresaren datu basea ezagutza berrerabilgarriko biltegi adimendun bihurtzen da. Tresna honek ekoizpen prozesuaren hainbat fase bizkortzen laguntzen du, eraginkortasuna eta erabakiak hartzeko gaitasuna hobetuz.

Ekimen honen izaera berritzailea hainbat erakundek aitortu dute, eta AMETSen konpromisoa indartzen du eraldaketa digitalarekin, etengabeko hobekuntzarekin eta industria sektoreko aurrerapen teknologikoarekin.

Ekimen honekin bat eginda, euskararen sustapenarekiko dugun konpromisoa indartzen dugu, baita gure lan ingurunean haren presentzia pixkanaka handitzen lagunduko duten ekintzak garatzeko konpromisoa ere.

Egunero hobetzeko lanean jarraitzen dugu!

Proiektuaren xedea mekanizazio-prozesuen automatizazioan eta digitalizazioan aurrera egitea da, programazio-denborak murriztuz eta ekoizpen-eraginkortasuna hobetuz.

Orain arte egindako aurrerapenek planteatutako ikuspegiaren bideragarritasun teknikoa berresten dute, nahiz eta proiektuak erronka teknologiko garrantzitsuei aurre egin behar dien, hala nola 2D planoen ezagutze automatikoa eta makina eta prozesu bakoitzera egokitutako CNC kode fidagarria sortzea.

Proiektuaren lehen fasean lortutako emaitzak onak dira, eta AMETS-ek lanean jarraituko du soluzioa sendotzeko eta industria-ingurune errealetan aplikatzera aurrera egiteko, mekanizazio aurreratuan berrikuntzaren eta etengabeko hobekuntzaren aldeko apustua indartuz.

Eusko Jaurlaritzak eta Europar Batasunak kofinantzatutako proiektua, FEDER funtsen bidez

Doitasunezko osagaien fabrikazioaren atalerako, Soraluce firmaren mekanizazio-zentro bat instalatu berri dugu. FA-40 modeloa. 4.000 mm-ko luzetarako ibilguarekin eta buru ortogonal automatikoarekin.

Horrela, gure ekoizpen-ahalmena handitzen dugu ardatz bertikalen eta zeharkakoen irismenagatik, tamaina handiko eta mekanizatutako pieza astunagoetan aplikatuta. Horrek, zalantzarik gabe, ekoizpen arinagoa ekarriko du.

Teknologia aurrera doa eta Amets berarekin batera!

BIEMH-eko enpresa erakusketari gisa, bezeroekin eta hornitzaileekin egoteko aukera izan dugu, baita gure etorkizuneko ikuspegia partekatzeko ezagutu ditugun sektoreko profesionalekin. Nahiz eta aste neketsua izan, oso pozik gaude inoiz baino berritzaileagoa, teknologikoagoa eta dinamikoagoa den edizio honetan bizitako esperientziarekin eta jasotako feedback-arekin.

Eskerrik asko AFM Clusterri, bere lankidetzagatik, ikusgarritasuna emateagatik eta  AMETS bezalako enpresak horrelako topaketetan egotea ahalbidetzeagatik. Era berean, eskerrak eman nahi dizkiegu egiten dugunaz interesatuta hurbildu diren pertsona guztiei, hornitzaileei, bezeroei eta AMETS talde osoari.

Jarrai dezagun elkarrekin hazten!

Berdintasunarekiko dugun konpromisoa neurrien sustapenean oinarritzen da, emakumeen eta gizonen arteko aukera-berdintasuna printzipio estrategiko gisa ezarriz gure lan harremanetan eta kudeaketa eremu guztietan. Benetako berdintasun eraginkor baten alde lanean jarraitzen dugu!

AMETS Berdintasun Plana

BERMEK proiektuaren bidez mekanizazio-prozesuaren karbono-aztarna murriztu nahi da, GREEN MANUFACTURING kontzeptuak aplikatuz, batez ere ebaketa-olioak eta hozgarri arriskutsuak erabat ezabatuz. CO2 eta MQL bidezko hozte-soluzio bat ezartzeak mekanizazio prozesu tradizionalak jasangarriago, osasungarriago eta lehiakorrago bihurtzea ahalbidetuko du.

Balidazio-proben ondoren, lortutako emaitzak adierazgarriak izan dira. Plastikoen mekanizazioan BeCold sistema erabiliz, sortutako txirbilak nabarmen laburragoak dira, baita bizarrak prozesu jakin batzuetan ezabatu ditugu. Bestalde, super duplexaren mekanizazioan, erremintaren higadura askoz ere txikiagoa da, ebaketa-erreminten bizi-zikloa maximizatuz.

Etorkizuna gure prozesuetan berritzea dakar, ekoeraginkortasunerako beste urrats bat.

Proyecto cofinanciado por el GV y la Unión Europea a través del FEDER